Muqaddar ke sitaron per
zameen ki isharon per
udaasi ke kinaron per
kabhi weran shehron mein
kabhi sunsan rahon per
kabhi hairan aankhon mein
kabhi bejaan lamhon main
tumhari yaad holey se
koi sargoshi karti hai
yeh palkain bheeg jati hain
do aansu toot ke girte hain
main palkon ko jhukata hoon
bazahir muskurata hoon
faqat itna hi kehta hoon
mujhe kitna satatey ho
mujhe tum yaad aate ho
bohot hi yaad aate ho…..